Miami Heat niresbakan ang New Orleans

MIAMI -- Umiskor si Le­Bron James ng 32 points, ha­bang nagdagdag ng 22 si Dwyane Wade para sa 107-88 come-from-behind win ng Miami Heat kontra sa bisitang New Orleans Pe­licans.

Bumangon ang Heat mula sa isang 11-point deficit sa kaagahan ng second half para talunin ang Pelicans.

“We’re an old team, man,” sabi ni Wade. “It takes us a while sometimes to get the juices flowing. Playing against a lot of young teams, they come in loose, ready. We’ve got to get our body going a little bit.”

Tumipa naman si Chris An­dersen ng 7-for-7 fieldgoals para tumapos na may 15 markers at naglista si Chris Bosh ng 12 points at 9 rebounds para sa Miami (27-8).

Nag-ambag si Ray Allen ng 11 points para sa Heat.

Binanderahan naman ni Anthony Davis ang New Orleans mula sa kanyang 22 points at 12 rebounds, , sa­mantalang kumolekta si Eric Gordon ng 15 markers at may 13 si Tyreke Evans.

Kumamada ang Heat ng 32 points sa kabuuan ng third period, ang 16 dito ay bu­­hat kay James, kasabay ng paglimita sa Pelicans sa 21 markers.

Sa Dallas, kumayod si Mon­ta Ellis ng 10 sunod na pun­tos sa loob ng dalawang minuto sa fourth quarter para ihatid ang Dallas Mavericks sa 110-97 tagumpay laban sa Los Angeles Lakers.

Ipinalasap ng Mavericks ang pang-walong kabiguan ng Lakers sa huling siyam na laro.