Lindol
Ang lindol ay mahirap na ating malaman
kung saan tatama at kung kailan
ito ay hiwagang dulot ng kalikasan
na tanging diyos ang nakakaalam
Tanging magagawa ng tao sa mundo
paghandaan natin ang pagtama nito
mayama’t mahirap ay kumilos tayo
upang di mabigla sa alin mang dako
Inang kalikasan ay di namimili
kung saan lilindol anumang sandali
may fault o wala saan man magawi
tiyak na yayanig matagal madali
Malakas na yanig --malaking pinsala
ibubunga nito sa dagat at lupa
palasyong tahanan o bahay na dampa
walang sabi-sabi ito’y mabibigla
At sa dagat naman higanteng tsunami
lilikhain nito sa maraming parte
ang tubig ng dagat na ubod ng laki
mga tao’t hayop hindi malilibre
Kaya ang mabuti tayo ay magdasal
sa Diyos na dakilang sa ati’y lumalang
huwag nang lumindol kahit na saanman
at tayo’y maligtas sa kapahamakan
- Latest