Hinintay na umulan
Lahat nagdarasal sana ay umulan
sa nayon at lunsod nitong ating bayan
paano’y maraming natayong halaman
mga magbubukid ay nahihirapan
At ngayong dumating panahong tag-ulan
mga tao ngayo’y iba na ang dasal
sa maraming pook tubig umaapaw
baha ay perwisyo sa nayon at bayan
Kasalanan ito ng ating gobyerno
mga dapat gawin hindi tama ito
kanal at imburnal ginagawa ninyo
dapat sa tag-araw kayo’y aburido
Hindi na matiyak kung inuutos
ng mga opisyal ang kalye’y iayos
o ito ay kusa ng mga kumilos
upang makakupit sa malaking gastos
Drainage at imburnal ngayo’y hinuhukay
wala namang utos ang pamahalaan
kalye’y sinisira kanal binubungkal
upang masabi lang na ito’y kailangan
Sa araw at gabi tuloy ang gawain
mga kontratista hindi tumitigil
hindi pa nga tapos iniiwan na rin
matapos ang share ganap na angkin
- Latest