Ang Mangga

Sa likod ng aming maliit na dampa

ay maraming punong sumibol na kusa

May niyog, mangga, kaymito may suha

santol, sinegwelas at may makopa

Sa lahat nang ito’y iisa ang  puno

na gustong-gusto ko ang pagkakatubo

At ito’y ang manggang lubhang matipuno

at ang mga dahon lilim na buo

Sa bawat pagbayo ng hanging malakas

ang ugat at puno ay hindi matinag

bagamat maraming dahong nalalagas

susupling na muli kapag namulaklak

Ang bulaklak nito kapag nanlagas na

ay sinisibulan nang maraming bunga

kulay dilaw ito kung nasa puno pa

at ang korte’y puso ng isang dalaga

Kung medyo hilaw pa ito ay may asim

na sa naglilihi’y kay bangong samyuin

kung ito’y hinog na sa magkasing giliw

ang buto at pisngi’y dalisay kainin