Maraming salamat

MARAMING salamat sa mga nakakaintindi sa sitwasyon ng mga sundalo na napasabak sa bakbakan sa Marawi City at sa ibang areas ng Mindanao. 

Katulad lamang ng ginawa ng AirAsia na rumesponde agad sa post ng isang netizen ukol sa overweight na bagahe ng tatlong sundalo na kailangan nilang magbayad pa nga. 

At nakakatuwa namang isipin na ang mga kapwa nila pasahero ang nag-ambag-ambag para mabayaran o ma-accommodate man sa kanilang mga alloted bagahe kung ano man ang hindi kayang bayaran ng tatlong sundalo. 

At ang AirAsia naman ay agad-agad na nagbigay ng libreng 40 kgs na baggage allocation at libreng meals sa mga sundalong bumibiyahe.

Sinimulan ng AirAsia ang handog na libreng bagahe sa mga tropa natin at sumunod na rin ang Cebu Pacific at Philippine Airlines sa kanya-kanyang handog din para sa ating mga sundalo.

Saludo ako sa ating  mga sundalo at hinahangaan ang ginawa ng airlines para sa tropa. 

Mabuhay po kayong lahat!