‘DOTr Sec. Tugade, tiwala ako na ki-Kilos Pronto ka!”
NAAPRUBAHAN na ang siyam na flagship projects ng pamahalaan kung saan tinatayang P738 bilyon ang halaga ng buong proyekto. Ito `yung mga transportation infrastructure na nakakasa na at uumpisahan na sa wakas.
Agarang inaprubahan na ang mga proyektong ito para sa ikagiginhawa ng araw-araw na biyahe ng mga Pinoy. Isa ring dahilan ay ang target na mabawasan ang malubhang trapik sa Metro Manila na ilang taon nang nagpapahirap sa commuters at motorists.
Pero teka muna, kailangang bantayang maigi ito lalo na ang Department of Transportation (DOTr) nang huwag masayang ang bilyong pisong budget ng mga nakakasang proyekto. Baka may makalusot na namang mapanlarong mga kontratista na mahilig sa drama at sarswela. Dahil mali ang kompanyang naawardan ng proyekto na nabayaran nang malaking halaga ay hindi kuwalipikado, dinala sa korte ang isyu hanggang sa tuluyang hindi na nasimulan ang para sa mamamayan.
DOTr Sec. Art Tugade, mag-ingat-ingat po at kung maaari ay mas mainam na maayos na ito agad bago pa tuluyang mawala ang tiwala ng taumbayan dahil sa kapalpakan ng nakaraang administrasyon. Alam nating andiyan pa ang namanang problema subalit naniniwala akong maganda ang gagawin mong diskarte sa pagkakataong ito. Bilisan na po natin nang maramdaman ni Juan Dela Cruz na iba ang pamunuang ito sa nakaraang administrasyon.
Na ang kasalukuyan ay hindi magiging mukha ng kapabayaan, kapalpakan at walang pakialam bagkus ay inaayunan ang mga bagay na mali at hindi dapat. Na ang bunga ng kanilang maling gawain ay dagdag na pagdurusa at kalbaryo para sa mga Pilipino. Kung ginawa lamang ang nararapat noon, kahit sana paano’y naiibsan na ngayon ang paghihirap sa trapiko. Wala eh, saksakan ng mga pabaya, palpak at walang pakialam!
Sec. Tugade, naniniwala ako that you will assume your responsibility and you will do it righteously, swiftly.
- Latest
