‘Sec. Dominguez, magkaiba ang pamantayan sa kondisyon…
HINDI sariling desisyon ni Pres. Rodrigo Duterte na tanggihan ang 250-million-euro development assistance ng European Union sa Pilipinas.
Ibinuking mismo ng Presidente na ang ideyang ito ay nanggaling kay Finance Secretary Carlos “Sonny” Dominguez.
Ang tanong napag-aralan ba muna ito ng buong advisers ng pangulo o ang payo ni Sec. Dominguez lang ang nanaig sa iyung ito? Mukhang ‘yung huli ang nasunod dahil kung sana’y bago nagdesisyon si Sec. Dominguez na ayawan ‘yung inaalok na ayuda ng EU, hindi na aabot sa ganitong lebel na di pagkakaunawaan
Oo, kinukondena nga ng mga miyembro ng European Union ang laban sa droga ni President Duterte ito ay dahil sa katrayduran ng mga dilawang nagpakalat ng mga baluktot na impormasyon at balita.
Naniniwala ako na magbibigay ng PAMANTAYAN at hindi KONDISYON ang EU dahil karapatan nilang magbigay ng ilang panuntunan bilang sponsor na nagbibigay ng assistance. Magkaiba ang salitang PAMANTAYAN at KONDISYON. Ang pamantayan ay mga regulasyon na dapat isaalang alang habang ang KONDISYON ay may karampatang kapalit.
Kung gumana ang utak ni Sec. Dominguez, tinanong ‘yung mga kasamahan niyang economic advisers, sana pinag-aralan muna ‘yung mga pamantayang ito kung ito ba ay makakaapekto sa pagpapatakbo ng ekonomiya at lalabag sa mismong Saligang Batas. Ibang usapan kung sinasabi nitong mga e-u de putong EU na may kapangyarihan silang makialam at isa sa mga kondisyones ay mawawala ang pagiging sovereign nation ng Pilipinas, aba’y dapat talagang tanggihan.
Eh ang tanong, napag-aralan nga ba? Nahimay mo ba isa-isa ang mga punto na dapat isaalang-alang Sec. Dominguez at ng iyong mga kasamahan? Dapat diyan, magkaisa kayo, ‘wag kang magsolo Sec. Dominguez. Pakinggan n’yo maigi, tingnan n’yong maigi,
Dapat tandaan ng bawat Gabinete na anumang desisyon at aksiyon ang inyong gawin ay kapalaran natin, ng buong sambayanang Pilipino at buong Pilipinas ang nakasalalay.
- Latest