Pacquiao gagamit ng taktikang hit-and-run

MANILA, Philippines - Gagamit si Manny Pacquiao ng isang hit-and-run tactic laban kay Australian challenger Jeff Horn sa Suncorp Stadium sa Brisbane sa July 2.

“Manny will train and do the best he can and hopefully we get the fight over with very quickly,” sabi ni Michael Koncz, ang personal adviser ni Pacquiao, sa panayam ng Fox Sports Australia.

Sinabi pa ni Koncz na walang plano si Pacquiao na magtagal sa Down Under.

Ayon kay Koncz, ang plano ay kaagad pabagsakin ni Pacquiao ang 29-anyos na Australian “(then) we get out of there, we say hi to the Australian fans and media and come home.”

Naselyuhan ang unang laban ni Pacquiao para sa taong ito matapos talunin si American Jessie Vargas noong November.

Sinabi ni Koncz na pinirmahan ni Pacquiao ang fight contract makaraang maunsiyami ang laban kay British star Amir Khan sa United Arab Emirates.

Tinukoy ni Koncz na dahilan ang Ramadan, ang buwan ng fasting para sa mga Muslims, kung bakit hindi natuloy ang nasabing laban sa Mayo 20.

“We signed it, so yeah, we’re excited about it. But again, my preference was to fight Amir Khan.  That didn’t work out. We had this on the table so we decided to take it,” sabi ni Koncz, tinitingnan ang October o November para sa laban ni Pacquiao kay Khan.

Nagdaos ang 38-anyos na si Pacquiao ng online poll para sa kanyang mga followers sa social media tungkol sa kung sino ang gusto nilang makaharap ng Filipino senator.

Ang pangalan ni Khan ang nakakuha ng pinakamataas na 48 percent mula sa 44,000 votes kasunod sina Kell Brook (24 percent), Terence Crawford (21 percent) at Horn (7 percent).

“Frankly and honestly, and nothing against Jeff Horn -- I’ve never met the kid, I don’t know him personally-- but the name recognition is I guess why the fans picked Amir Khan,” sabi ni Koncz sa Fox Sports Australia.