‘No signal’ gikonsiderar sa Asean meetings
CEBU, Philippines - Gipangandaman na sa kagamhanan sa Siyudad sa Sugbo ang umaabot nga ASEAN Meetings.
Matud ni Konsehal Dave Tumulak, deputy mayor for police matters, nga isip pagpangandam sa ASEAN Meetings karong Abril 3 hangtud 7, gisugyot sa Police Regional Office-7 ang pag-shutdown sa signal sa mga telecommunications companies.
Kini sama sa gipatuman niadtong Sinulog sa Dakbayan sa Sugbo.
Isip chairman usab sa committee on public order and safety, matud ni Tumulak nga mag-agad ang siyudad sa kapolisan tungod kay sila ang mas nahibawo mahitungod sa intelligence ug enforcement.
Subay sa maong kalihukan, ang konsehal niawhag sa publiko nga dili maalarma sanglit sugod karong Abril 1 doble na ang pagpatuman sa seguridad sa kadalanan, pantalan ug terminal aron maseguro ang kaluwasan sa mga ASEAN delegates. (BANAT NEWS)
- Latest