Field trips

ANG isa sa practices na pinatigil sa aming uniber­sidad mula nang  naupo ako sa pamunuan­ ay ang mga out of town field trips. Halos 100% ng mga request ay sad­yang tinatanggihan ng aming opisina. Ito lang naka­raang linggo, bago pa man naganap ang trahedya sa college students sa Tanay, mayroon na naman kaming­ hindi­ pinayagang lumayag. 

Ang katwiran ng aming pamunuan ay medyo­ ma­laki ang nagiging kargo sa mga bata dahil sa trans­portation and accommodation costs. Kahit pa sabi­hing hindi compulsory, siyempre nahihiya naman­ yung mga hindi makakasama sa lakad lalo na kung kara­mihan ng mga barkada ay game. 

Kahit pa malaking halaga ang gugugulin, ipipilit ito, iuutang para lamang maki-join.

Sa unibersidad namin kung saan libre ang tuition­ para sa residente ng lungsod na hindi maka­ya­nan­ ­­ang taas ng bayarin, isang hindi inaasahang gastusin­ ang field trip. Isa ito 

sa maituturing na “hidden cost” ng pag-aral – mga sinisingil na wala naman sa listahan­ ng dapat paghandaan lalo na sa mga hirap na hirap magbudget. Kung kaya  piling-pili lang talaga ang okasyon kung saan pina­payagan ang mga  mag-aaral na pumalaot.

Ang isa  pa at higit na matimbang na dahilan­ ng pagkwidaw ay ang tiwala sa gagamiting­ transportas­yon­ at sa lugar na tutuluyan. Hindi lahat  ng mga unibersidad ay may sariling mga tourist bus o coaster na  maaring gamitin sa paglayag. Kung mayroon man, at least  walang ibang maaring sisihin kapag pumalpak ang sasakyan. At doon sa walang sariling masakyan, no choice kung hindi umasa sa mga negos­yong charter transport. Siyempre, wala kang control sa kung gaano ka-okey bumiyahe ang mga ito. Sa reputasyon ka na lang aasa.

Ang mga nagpapa- charter tour ay hindi naman parang namamasaheng bus o namamasadang jeep na dahil sa mga prankisa ay laging inuurirat ang kondisyon ng mga sasakyan. Sapalaran talaga ang katapat. Kaya tama lang na muling rebisahin ng CHED at mismong mga unibersidad ang kanilang mga patakaran sa field trips.