Search and rescue operation sa missing fisherman, tuloy

CAMARINES NORTE, Philippines   -  Patuloy ang search and rescue operation ng pinagsanib na puwersa ng Philippine Air Force, Philippine Coast Guard, Philippine Army, PDRRMO, MDRMMO Mercedes at Philippine Red Cross – Camarines Norte  sa isang mangingisda na limang  araw ng nawawala subalit bigo pa rin makita kahapon ng umaga.

Ayon kay Jude Hernandez, hepe ng MDRRMO – Mercedes, Enero 9 ng mapabalitang tumaob ang bangkang sinasakyan ng dalawang mangingisda at nagawang mai-rescue ang isa sa bahagi ng Calaguas Islands sa Brgy Sood bayan ng Vinzons noong Huwebes (Enero 12).

Si Arnel Era ay nagpapagaling sa Camarines Norte Provincial Hospital habang ang isa pang kasamahan nito na si Zaldy Reyes, 35,  kapwa residente sa Brgy. Manguisoc. Mercedes ay patuloy na pinaghahanap sa pamumuno ni Major Don Raphael Cervantes ng 207th Tactical Helicopter Squadron ng Philippine Air Force. 

Nabatid na hindi agad naisagawa ang search and rescue operation dahil sa masamang panahon na nararanasan sa Camarines Norte.

Umaasa naman na makukuha pang buhay ang nawawalang mangingisda.