Open manhole sa Novaliches Proper, delikado; Paging DPWH Sec. Villar

Tinatawagan ko po ng pansin ang butihing DPWH Secretary Mark Villar na pakibusisi ang ginagawa ng kontraktor sa Gen. Luis St. Novaliches, QC, tapat ng Savemore.

Marami pong hinukay na drainage ang kontraktor pero hanggang ngayon ay nakabuyangyang ang mga ito at nakalantad ang mga patigas na bakal.

Delikado ang mga bakal sapagkat kapag may nahulog o nadulas na pedestrians ay tiyak na matutusok. Huwag naman sanang mangyari ito.

Sana ay takpan man lang ng contractor ang butas para mailayo sa peligro ang buhay ng mga dumadaan. Kapag may namatay na saka magtuturuan.

Naniniwala ako na aaksiyunan ito ni Sec. Villar. Sana rin ay gumawa ng paraan ang barangay captain ng Nova Proper. Natutulog siya sa pansitan. Salamat po. --- REMIDIOS CRUZ, Gen. Luis St. Novaliches, QC