Bagong Presidente

Sino kaya ang ating magiging Pangulo

Pagkatapos ng halalan sa Mayo?

Dapat ba ay babae o lalaking matalino –

Na ang tanging hangad bansa’y umasenso!

Dapat ding hangarin ng bagong Presidente

Mga mamamayan may bagong hangarin;

Magdasal sa Diyos kanilang mithiin

Ang lahat ng Pinoy ay magpaumanhin!

Sa ugaling ito itong ating bansa

Magiging masaya saka masagana;

Wala nang batugan wala ring masama

At di-magnanais na makapinsala!

Mga pulitiko’t mayayamang tao

Magiging maingat sa lahat ng dako;

Dahil mapera na malamig ang ulo

At ang mga api damayan nito!

Dahil sa marunong bagong Presidente

Mabubuting lider kanyang Gabinete;

Kung ito’y masamang ugali

Agad didismisin walang pasubali!

Kanyang ilalagay sa magandang pwesto

Huwarang maglider sa maraming tao;

Pero kung makitang abusado

Sisipain agad kahit kaanak ito!

Siya ang ‘Boss’ natin sa lahat ng oras

Na dapat masunod lalo na’t marapat;

Kung tayo ay mali kanyang itutumpok

Pasalamat tayo’t siya ay matapat!

Sana’y hindi siya katulad ng dati

Pinababayaan ang tauhang mali;

Inakala nilang sa bawat sandali

Sasama ang bayan sa gobyernong bali!