Susi para sa kaayusan at kaunlaran sa Mindanao
PATULOY ang pagsusuri ng taumbayan hinggil sa naganap na trahedya sa Mamasapano, Maguindanao noong Enero 25 kung saan ay 44 na miyembro ng Special Action Force (SAF) ang namatay.
Matatandaang nagpatupad noon si dating President at ngayo’y Manila Mayor Joseph “Erap”Estrada ng “all-out war” laban sa mga armadong rebelde sa Mindanao, partikular ang Moro Islamic Liberation Front (MILF).
Sa pamamagitan ng naturang hakbangin ay nadurog ng pamahalaan ang puwersa ng mga rebelde, nakubkob ang mga kampo ng mga ito, at nasamsam ang kanilang mga armas. Dahil dito, agad naisulong ang development efforts sa Mindanao.
Ilan sa mga proyekto at programa na pinlanong ipatupad ni Erap doon ay ang pagpapasok ng mga investor na magtatayo ng mga pabrika at kompanya na magbibigay ng trabaho sa mga residente at magpapasigla ng lokal na ekonomiya; pagsasaayos ng mga pampublikong pasilidad, transportasyon at komunikasyon; at pagpapalakas ng serbisyo publiko.
Tuluy-tuloy na sanang maaabot ang matagal nang pangarap na ganap na kaayusan at kaunlaran sa Mindanao. Pero sapilitang pinatalsik si Erap mula sa Malacañang, at pagkatapos noon ay napabayaan ang mga rebelde na muling makapagpalakas ng puwersa, at nagsulputan pa ang iba’t ibang armadong grupo roon.
Ayon kay Erap, “The only solution there is an all-out war. The MILF is already 40 years and it will never stop. The government has not been remiss in its duty to offer its hands for peace, but the peace offering of the government has not been reciprocated by the rebel group.”
Dagdag niya, “The all-out war that I launched has neutralized all the 46 camps of the MILF. Unfortunately, I was not able to finish my term… and that prompted the MILF to regain its power.”
Mula noon hanggang ngayon, at lalo na dahil sa nangyaring trahedya sa Mamasapano, ay patuloy na dumarami ang naniniwalang tumpak si Erap sa kanyang isinagawang hakbangin laban sa MILF.
- Latest