Wild wild west sa videoke bar: 6 sugatan
MANILA, Philippines — Sugatan ang anim katao matapos madamay sa barilan ng dalawang grupo na nagpang-abot sa loob ng isang videoke bar sa Tondo, Maynila.
Ginagamot sa Mary Johnston Hospital at Gat Andres Hospital sina Nelda Clemente, 74, vendor; Ely Almoete, 25, vendor; Erljin Lacorte, 19, helper; Junel Tabudlang, 29, safety officer; Josephine Dagoy, 52, at Ian Gumabon, 16 na isa sa mga armado ng baril bunsod ng tama ng mga bala ng baril sa iba’t-ibang bahagi ng katawan.
Ayon kay PO2 Reyzen Del Rosario ng Manila Police Distirct Station 2, habang masayang nag-iinuman ang dalawang grupo sa loob ng Glenn Videoke Bar sa Padre Rada St. nang magkakursunadahan.
Dito na nagsimula ang tensiyon hanggang sa humantong sa palitan ng putok ng baril ang dalawang grupo.
Paliwanag ni PO2 Del Rosario nagmistulang Wild Wild West ang scenario sa loob ng videoke bar kung saan sa rambulan ng dalawang grupo Ang masaklap umano ang mga walang kinalaman ang siyang nadamay at tinamaan sa kanilang pagbabarilan.
- Latest