Bading pinatay, siniksik sa maleta
MANILA, Philippines — Pinaniniwalaang isang bakla ang natagpuang bangkay na nakasilid sa isang kulay itim na travelling bag, kahapon ng madaling araw sa Pasay City.
Inaalam pa ng pulisya ang pagkakakilanlan sa biktima, na may mahabang buhok, nakasuot ng short pants na puro dugo, nasa fetal position at may mga marka sa leeg nito
Ayon sa pahayag sa Pasay City Police ng vendor na si Dante Ancheta, 33, alas-2:45 kahapon ng madaling araw habang binubuksan niya ang kanyang food stall sa Baclaran Terminal Plaza 2 Shopping Center, Park Avenue Extension ng naturang siyudad nang makita ang isang kulay itim na travelling bag na nakabalot ng transparent na plastic.
Dahilan upang tawagin ni Yago ang pedicab driver na si Benny Gamurot na pinapunta niya sa Police Community Precinct (PCP) 6, Pasay City Police upang i-check ang kahina-hinalang travelling bag.
Nang buksan ng mga pulis ang travelling bag, dito tumambad sa kanila ang bangkay ng isang lalaki, na hinihinalang isang bakla.
Patuloy pa ring iniimbestigahan ng pulisya ang naturang insidente.
- Latest