Salvage victim natagpuan sa Taguig
MANILA, Philippines — Nakabalot ng t-shirt ang ulo, may duct tape ang leeg at nakatali ang mga kamay nang matagpuan ang bangkay ng isang lalaki na hinihinalang biktima ng salvage kamakalawa ng gabi sa Taguig City.
Ayon sa report ng Taguig City Police, alas-9:00 ng gabi nang matagpuan ng ilang concerned citizen ang biktima sa Ruhale St. Brgy. Calzada Tipas ng naturang lungsod.
Ayon sa pulisya, walang pagkakakilanlan na nakuha sa biktima na nakasuot lamang ito ng dark blue t-shirt at pulang shorts.
Sa pagsisiyasat ng Scene of the Crime Office ng Southern Police District (SOCO, SPD), nakitang may tama ng bala sa mukha ang lalaki.
May nakuha ring basyo ng bala ng 9mm malapit sa bangkay.
Sa pagtaya ng mga awtoridad, nasa 5’2 hanggang 5’3 ang taas ng biktima na may edad na 20 hanggang 25 taong gulang.
- Latest