2 lane sa North Avenue, ookopahin sa konstruksyon ng MRT-7
MANILA, Philippines — Mula sa pito ay lima na lamang ang magagamit na lanes ng mga motorista sa kahabaan ng North Avenue, Quezon City para bigyan daan ang konstruksiyon ng Metro Rail Transit (MRT) Line 7 project simula ngayong weekend.
Ito ang nabatid sa isinagawang press briefing kahapon ng Metropolitan Manila Development Authority (MMDA.
Ayon kay MMDA assis-tant general manager for planning Jojo Garcia, tig-isang lane ng magkabilang panig ng North Avenue ang ookupahan para sa naturang proyekto.
Sabi ni Garcia ang naturang konstruksiyon ay may anim na phases, na ang phase 1 ay sisimulan ng alas-12:00 ng madaling araw ngayong Sabado (Enero 20) sa North Avenue mula Veterans hanggang Agham Road.
Para aniya hindi maaba-la sa trapik, payo ni Garcia sa mga motorista, na umalis aniya ang mga ito ng mas maaga at dumaan sa mga alternatibong ruta.
Nabatid na ang mga motoristang babagtas ng North Avenue kaliwa ng Mindanao Avenue, kanan ng Road 8, kanan ng Visayas Avenue, kanan ng QMC, kanan ng Commonwealth Avenue hanggang destinasyon o di kaya mula Mindanao Avenue kanan ng Congressional Avenue, kanan ng Luzon Avenue hanggang Commonwealth Avenue hanggang destinasyon (vice versa).
Ang mga motorista namang babagtas ng Quezon Avenue kanan ng QMC, kanan ng Commonwealth Avenue hanggang destinasyon (vice versa).
Ang mga behikulo namang nasa East Avenue, dumaan ng EDSA o V. Luna kanan ng East Avenue hanggang QMC, kanan ng Commonwealth Avenue hanggang destinasyon (vice versa).
Pinagkasunduan aniya ito ng MMDA at contractors ng MRT 7 project, kung kaya’t magiging mas matrapik sa gabi hanggang kinaumagahan, mula alas-11:00 ng gabi hanggang alas-5:00 ng uma-ga at papatawan aniya ng parusa kapag lumabag sa guidelines ang contractors nito.
“Any movement should be coordinated with the agency and be confined to two lanes,” ani Garcia.
Nasa 20 traffic enforcers ang idi-deploy ng MMDA at 16 flagmen naman para sa contractors na siyang gagabay sa mga motorista.
Base sa record ng ahensiya, nabatid na kada araw nasa 41,320 behikulong bumabagtas sa North Avenue.
- Latest