Shootout: 2 jail guards, 2 pulis utas
MANILA, Philippines — Patay ang apat katao kabilang ang dalawang tauhan ng Bureau of Jail Management and Pe-nology (BJMP) at dalawang pulis sa naganap na shootout kahapon ng umaga sa Muntinlu-pa City.
Dead-on-arrival sa Medical Center of Muntinlupa ang dalawang jail guard na sina JO1 Felino Salazar, 48, at JO2 Elmer Malindao, 33, kapwa nakatalaga sa Muntinlupa City Jail sanhi ng mga tinamong tama ng bala ng hindi pa mabatid na kalibre ng baril sa ibat ibang bahagi ng katawan.
Habang namatay noon din sa pinangyarihan ng insidente ang sinasabing suspect na nakilalang si PO1 Jover John Lardizabal, nakatalaga sa Police Non Commission Officer (PNCO) ng National Capital Region Police Office (NCRPO) na nagtamo ng mga tama ng bala sa iba’t ibang bahagi ng katawan buhat sa hindi pa batid na kalibre ng baril.
Ang kasama naman nitong si ex-P03 Arnel Rubio ay hindi na umabot ng buhay sa nasa-bing pagamutan.
Nasa custody naman ng Muntinlupa City Police ang isang person of interes na nakilalang si Prison Guard 1 Dee Jay Tanael nakatalaga sa Bureau of Correction (BUCOR) na sinasabing nakita sa kalagitnaan ng engkuwentro.
Base sa isinumiteng report ni Southern Police District (SPD) Director Chief Supt. Tomas Apolinario, alas-8:30 ng umaga nang maganap ang insidente sa Brgy. Tunasan malapit sa Muntinlupa City Jail sa nasabing lungsod.
Ayon kay Senior Supt. Dante Novicio hepe ng Muntinlupa City lulan ng isang motorsiklo ang dalawang jail guard nang salubungin at tambangan ng dalawang pulis na lulan ng motorsiklo.
Narinig naman ng mga kasamahan ng BJMP na sina JO1s John Edades, Moldero Sogan at Richard Basiloy ang sunud-sunod na putok ng baril sa labas ng kanilang opisina.
Hanggang nagreponde ang mga ito na kung saan nakitang kapwa duguang nakahandusay na sina JO1 Salazar at JO2 Malindao sa labas ng kanilang tanggapan.
Hinabol naman ng mga tauhan ng BJMP ang dalawang suspect at dito na nakipagpalitan ng putok makalipas ang dalawang minuto dito na kapwa duguang bumulagta ang mga suspect na nadiskubreng sina PO3 Rubio at P01 Lardizabal.
Habang naaresto naman si Tanael na kung saan armado ito ng baril nang makita ito sa nasabing lugar.
Base naman sa pahayag ni Tanael, napadaan lamang siya sa nasabing lugar.
Sa ngayon isinasailalim sa masusing interegasyon ng pulisya si Tanael. Habang patuloy na nagsasagawa ng masusing imbestigas-yon hinggil sa insidente
Nabatid na sina Salazar at Malindao ay kagagaling lamang sa kanilang magdamag na duty sa Muntinlupa City Jail nang maganap ang insidente.
Patuloy ang isinasagawang imbestigasyon ukol dito pati ang anggulo na may kinalaman sa droga ang insidente.
- Latest