Paslit nasagip; 2 kidnaper timbog
MANILA, Philippines — Isang batang babae na dinukot noong nakalipas na Disyembre 30 sa Las Piñas City ang nasagip kahapon ng pulisya matapos ang isina-gawang rescue operation.
Naaresto naman ang mga suspect na sina Giselle Omayan, taga Mabolo, Bacoor, Cavite at Cerio Cinolete, 26.
Ayon sa report na natanggap ng director ng Southern Police District (SPD) na si Police Chief Supt. Tomas Apolinario Jr., alas-5:30 kahapon ng umaga nang masagip ang biktima ng mga kagawad ng Las Piñas City Police sa isang follow-up at rescue operation sa Aplaya, Binakayan, Cavite at nagresulta din ito nang pagkakadakip kay Omayan.
Base sa report, kinidnap umano ang biktima noong Disyembre 30, 2017 sa tinitirhan nito sa Ilaya, Las Piñas City.
Kaagad namang iniulat ng kanyang mga magulang sa pulisye ang insidente at kahapon nga ay nagkasa ng rescue operation ang mga ito na nagresulta sa pagkakasagip sa bata.
May hinala ang pulisya, na posibleng miyembro ng sindikato ang suspect na nadakip, na ang modus ay ibinibenta umano ang kanilang nagiging biktima at inuutusang manglimos.
- Latest