Karampot na rollback sa petrolyo, ipinatupad
MANILA, Philippines — Nagpatupad ng barya-baryang oil price rollback ang mga kompanya ng la-ngis ngayong araw na ito ng Martes.
Ang oil price rollback ay pinangunahan ng Flying V, na nagbawas ng P0.25 kada litro sa gasolina, P0.15 kada litro sa kerosene at wala namang paggalaw sa presyo ng diesel, na epektibo ito ng alas-12:01 ngayong mada-ling araw.
Sumunod naman ang Pilipinas Shell, Phoenix Petroleum Philippines, PTT, Eastern Petroleum at iba pang kompanya ng langis na epektibo naman ng alas-6:00 ng umaga.
Asahang susunod na ring maglalabas ng anunsiyo ang iba pang kompanya ng langis ng oil price rollback sa kahalintulad na halaga.
Ang naturang oil price adjustment ay bunsod sa patuloy na paggalaw ng presyuhan nito sa pandaigdigang pamilihan.
Matatandaan na nito lamang nakaraang linggo ay nagpatupad ng bawas presyo ang mga oil companies ng P0.30 kada litro sa diesel at P0.30 kada litro sa kerosene habang wala namang paggalaw sa presyo ng gasolina.
- Latest