MMDA traffic enforcers, armado na rin ng body cam
MANILA, Philippines — Magsisimula na ring gumamit ngayon ang traffic enforcers ng Metropolitan Manila Development Authority (MMDA) ng body camera sa kanilang operasyon tulad nang pagmamantina ng daloy ng trapiko at panghuhuli ng mga traffic violators.
Nitong Biyernes ay ginamit na ng may 20 traffic enforcers ng MMDA ang kanilang mga body camera, na ibinigay ng isang pribadong kumpanya.
Ang body camera ay ikinabit sa mga enforcer ay bilang bahagi ng kampanya ng ahensya kontra corruption.
Sa pamamagitan nito ay dito aniya mamo-monitor kung nangotong ang isang enforcer na nanghuli ng mga lumabag sa batas trapiko.
Sabi ni MMDA Chairman Danilo malaki ang magiging tulong ng body camera para sugpuin ang corruption at mga pang-aabuso.
Plano ng ahensiyang bumili sa susunod na tao ng karagdagang body camera na gagamitin ng mga enforcer.
- Latest