Sinibak na parak, 1 pa dawit sa gunrunning operation, timbog
MANILA, Philippines — Isang nasibak na pulis at kasabwat nito sa gunrunning activities ang kapwa nadakip ng pulisya sa Pasay City.
Nasa custody ngayon ng Southern Police District-Criminal Investigation and Detective Group (SPD, CIDG) ang mga suspect na sina Maurito Reineido at ang kasabwat nitong si Gerry Desoacido.
Alas-8:00 ng gabi nang maispatan ng mga pulis ang mga suspect sa harapan ng videoke bar sa FB Harrison St., Pasay City.
Ilang linggo na ring sinusubaybayan ang mga ito dahil sa kanilang iligal na gawain tulad ng gunrunning activities.
Nakumpiska ng mga pulis mula sa mga suspect ang isang Galil automatic rifle cal. 5.56; Taurus 24/7 cal. 40 pistol; 3 magazines ng cal. 40; Jerico 9mm pistol; 2 magazines ng 5.56 at 1 magazine 9mm.
Nag-ooperate umano ang mga suspect sa area ng Pasay at kalapit na lungsod at ang namumuno umano ng gunrunning syndicate ang isang inmate sa New Bilibid Prison.
- Latest