13 Chinese national tiklo sa pekeng credit card
MANILA, Philippines — Nasa 13 Chinese nationals ang nadakip matapos makuhanan ang mga ito ng mga pekeng credit cards kamakalawa sa Dasmariñas Village, Makati City. Nasa kustodya ngayon ng Makati City Police detention cell ang nadakip na mga suspek.
Ayon sa report na isinumite ng Makati City Police sa tanggapan ng Southern Police District (SPD), alas-10:00 ng gabi nang madakip ang mga suspect sa #1901 Sineguelas St. Brgy. Dasmariñas Village ng naturang lungsod. Ito ay base sa bisa ng search warrant na inisyu ni Judge Andres B. Soriano, Makati City Regional Trial Court (RTC), Branch 148. Nasamsam mula sa mga suspek ang iba’t-ibang mga credit cards, computers, laptops, cellphones, router, broadband at dangles.
Ang mga suspek ay nahaharap sa kasong paglabag sa Republic Act 8484 (Access Devices Regulation Act o fraudulent cards). Matatandaan, na noong Nobyembre 10 ng taong kasalukuyan ay nasa 24 dayuhan na pawang mga Chinese, Vietnamese at Russian nationals ang nadakip sa parehong paglabag.
- Latest
