400 traffic enforcer kailangan ng MMDA
MANILA, Philippines — Para mapunan ang kakulangan dahil sa mga natanggal na enforcer sanhi ng mga kasong administratibo, kailangan ngayon ng Metropolitan Manila Development Authority ang nasa 400 karagdagang bilang nito para magmantina ng daloy ng trapiko sa Kalakhang Maynila.
Ayon kay Roy Taguinod, MMDA traffic discipline office head, nasa 130 traffic enforcers ang nasibak sa serbisyo simula nang umupong chairman ng MMDA si Danilo Lim.
“Ang mga nagkasalang traffic enforcer na ito ay sangkot sa mga extortion at ibang iligal na aktibidad habang may ilan na hindi nagreport sa trabaho at naging AWOL (absent without leave). Kaya awtomatiko, tinanggal sila sa serbisyo,” paliwanag ni Taguinod.
Sinabi ni Taguinod na nasa 400 traffic enforcers ang kailangan ngay0n ng MMDA. Ang mga qualification sa pag-aaply ay dapat nasa second year college level o naka-72 units ng anumang kurso at dapat ay physically fit.
- Latest
