Mag-asawa todas sa tandem
Nakilala ang mga nasawi na sina Justin Bangay, 45; at Margarita Bangay, 32, kapwa naninirahan sa Phase 7A Package 10, Brgy. 176 Bagong Silang, ng naturang lungsod. File
MANILA, Philippines — Patay ang isang mag-asawa makaraang harangin at pagbabarilin ng riding-in-tandem sa Caloocan City, kahapon ng madaling araw.
Nakilala ang mga nasawi na sina Justin Bangay, 45; at Margarita Bangay, 32, kapwa naninirahan sa Phase 7A Package 10, Brgy. 176 Bagong Silang, ng naturang lungsod.
Sa inisyal na ulat, sakay ang dalawa ng kanilang Sym type motorcycle galing sa pamamalengke ng paninda at pauwi na ng kanilang bahay nang harangin sila ng mga salarin sa may Phase 7 sa naturang barangay dakong alas-4 ng madaling araw.
Hindi na nagawang makaiwas ng mga biktima nang pagbabarilin sila ng mga salarin na mabilis ring nagsitakas patungo sa direksyon ng North Caloocan.
Agad na ipinag-utos ni Caloocan City Police chief, Sr. Supt. Jemar Modequillo ang masusing imbestigasyon sa krimen upang mapanagot ang mga salarin. Sinabi nito na may mga tinututukan na silang mga suspek na hindi pa niya ibinulgar habang isinasagawa pa ang imbestigasyon.
Nakuha sa lugar ng krimen ang tatlong basyo ng bala at dalawang slug buhat sa hindi pa mabatid na kalibre ng baril.
- Latest
