Brgy. hall itinayo sa mga bangketa, binuwag
MANILA, Philippines — Binuwag ng mga tauhan ng Metropolitan Manila Deve-lopment Authority (MMDA) ang mga barangay hall na nakatayo sa bangketa matapos mabigo ang mga chairman dito na hindi sumunod sa takdang deadline para kusang alisin ito kahapon sa Maynila.
“They promised to demolish their structures when we vi-sited here a few days ago, but they are still here. They gave us no choice, but push for the demolition,” ito ang sinabi ni MMDA Chairman Danilo Lim sa isinagawang clearing operations sa Brgy 643, Zone 66 at 641 Zone 66.
Sinabi ni Lim na binigyan nila ng 15 araw na taning at paulit-ulit na warning ang mga brgy. opisyal ng naturang mga lugar, subalit binalewala aniya nila ang kautusan ng MMDA.
Katwiran ni Rosadelia Paragas, chairperson ng Brgy. 643 Zone 66, hinihintay aniya talaga nila ang mga tauhan ng MMDA na idemolis ang naturang brgy hall dahil wala silang sapat na tauhan para gawin ito.
Samantala umapila naman si Chairman Edmund Gumogda, ng Brgy. 641 Zone 66, na bigyan pa sila ng sapat na panahon para sa pagbuwag sa kanilang brgy. hall.
Gayunman, hindi na ito pinayagan ni Lim kasabay ng pahayag nito na makipag-coordinate na lamang sila sa local government para sa relokasyon ng kanilang brgy. hall.
- Latest