MMDA aminadong hindi kakayanin ang EDSA
MANILA, Philippines — Inamin kahapon ng Metropolitan Manila Development Authority (MMDA) na hindi sila handang imantina ang matinding bigat ng daloy ng trapiko kapag pansamantalang isinara ang operasyon Metro Rail Transit (MRT) 3 dahil sa sunud-sunod na aberya nito na apektado ang 500,000 mananakay kada araw.
Ayon kay Jojo Garcia, MMDA assistant general manager for planning, kapag ipinasara aniya ang operasyon ng MRT 3, kailangan aniya ang 10,000 karagdagang mga bus sa EDSA na siyang magsasakay sa mga pasahero ng MRT 3.
“We are talking about 500,000 commuters a day. Where would we get 10,000 additional passenger buses? At present, there are 12,000 buses traversing along Edsa,” ito ang sinabi ni Garcia sa press briefing kahapon sa tanggapan ng MMDA. Kapag aniya natigil ang operasyon ng MRT, posibleng magiging sanhi ito ng buhul-buhol na trapik sa EDSA.
- Latest