ASEAN lanes sa EDSA, tuluyang isinara
Matindi at mahabang trapik naranasan
MANILA, Philippines — Dahil sa kabiguang makontrol ang mga pribadong motorista, kung kaya napi-litan ang Metropolitan Manila Development Autho-rity (MMDA) na tuluyang isara ang dalawang lane sa EDSA na nakalaan sa Association of Southeast Asian Nation (ASEAN) delegates.
Inamin ni Bong Nebrija, operations supevisor ng MMDA, na nahirapan silang pakiusapan ang mga private motorists na lumabas ng ASEAN lanes kasabay nang pagsasa-bing kulang sila sa mga barriers at traffic enforcers na magpapahinto sa mga motorista na lumabas sa nakalaan lanes sa ASEAN delegates.
“Hindi sapat yung barriers namin at yung iba na pumasok, hindi na namin kayang palabasin dahil puno na ang service road kaya ang kailangang ga-wing paraan, isarado ang entire stretch buhat Balin-tawak hanggang Magallanes, vice-versa”, ayon pa kay Nebrija.
Ang dalawang inner-most lanes ng EDSA ang inilaan ng MMDA para sa ASEAN delagates na nang isara ay tuluyang nagdulot ng matinding trapik sa mga bahagi ng Quezon City sa north at southbound.
Ipinaliwanag din ni Emmanuel Miro, head ng MMDA Task Force ASEAN na napilitan silang magpatupad ng adjustment sa traffic schemes sa EDSA para sa ASEAN summit dahil nga sa naranasang traffic gridlock simula pa kahapon ng umaga.
Kasabay nito, hinikayat din ng MMDA officials ang mga pribadong motorista na iwasan muna ang EDSA ngayong isinasagawa ang ASEAN upang hindi maabala.
Talagang seryosohin na iwasan ang EDSA. Please avoid EDSA baka mag-stay sila ng ilang minute o oras na every time na ihinto sila”, pahayag pa ni Miro.
Samantala, dahil sa lalong tuminding trapik kahapon, alas-6 ng gabi kahapon ay inanunsyo ng MMDA ang pagbubukas sa motorista ng ASEAN lane.
- Latest
