MMDA magde-deploy ng mga bus
Sa maaapektuhang pasahero ng MRT
MANILA, Philippines — Sinabi ng Metropolitan Manila Development Authority (MMDA) na magde-deploy sila ng mga bus na siyang magbibigay ng sakay sa mga pasahero ng Metro Rail Transit (MRT) Line 3 para sa limitadong operasyon nito.
Ayon kay Tim Orbos, MMDA General Manager, inuupuan na nila ng Land Transportation, Franchising and Regulatory Board (LTFRB) at Department of Transportation (DOTr) para aniya maibsan ang shortage train operations.
“Part of the preparation is the help of the private sector, particularly bus companies to be tapped,” sabi ni Orbos.
Ayon kay Leah Quiambao, DoTr Assistant Secretary for Communications, ang kanilang itatalagang mga bus ay siyang magbibigay ng alternatibong transportasyon sa mga maaapektuhang pasahero ng MRT 3.
Ito ay matapos ngang i-terminate noong Lunes (Nobyembre 6) ng pamunuan ng DOTr ang kontranta ng Busan Universal Rail Inc. (BURI), ang maintenance provider ng MRT 3 dahil sa hindi aniya maayos na serbisyo nito, na isa sa nakikita nilang dahilan kung bakit madalas ang aberya sa operayon nito.
- Latest