Kelot tinodas sa saksak
MANILA, Philippines — Dead-on-the-spot ang isang 27-anyos na lalaki nang saksakin ng hindi pa kilalang salarin sa Tondo, Maynila, kamakalawa ng gabi.
Kinilala ang biktimang si Marvin de los Reyes, residente ng Barangay .65, Zone 18, District 5, 15th St., Port Area, Maynila,
Patuloy pang inaalam ang pagkakakilanlan ng suspek na inilarawang nakasuot ng itim na t-shirt na may usang pipe stripe na puti, kulot ang buhok, nasa 5’2 hanggang 5’4 ang taas, maitim, na tumakas dala ang patalim na ginamit.
Sa ulat ni PO3 Ryan Balagtas ng Manila Police District-Homicide Section, dakong alas-10:00 ng gabi nang maganap ang insi-dente sa harapan ng Billeza Trucking, sa parking area na matatagpuan sa Francisco Magallanes St., Harbour Center, sa Road 10, Tondo.
Sinabi ng isang testigo. nakarinig siya ng komosyon at nagmamakaawang boses ng lalaki na nagsasabing “Ayoko pang mamatay, ayoko pang mamatay”.
Tinungo niya ito at nakasalubong pa ang suspek na may hawak na patalim kaya tinanong niya umano ng “Boss ano nangyari? Na sinagot naman siya ng pagalit na “Ang mga sira ulo pinapatay, pinapatay! Natakot ang testigo kaya umalis siya upang umiwas habang ang suspek ay umalis na rin sa lugar.
- Latest
