Paputok, bawal na sa Quezon City

MANILA, Philippines — Bawal na sa Quezon City ang mga paputok sa pagsalubong sa Bagong Taon.

Ito ay makaraang lagda-an na ni QC Mayor Herbert Bautista ang City Ordinance 2618 na nagbabawal sa paggamit ng anumang uri ng paputok at iba pang pyrotechnic device sa lungsod.

Partikular na pinagbabawal ang paggamit ng paputok sa facade ng QC hall, mga iskinita, open space, major thoroughfares, plaza, basket­ball courts at iba pang kaha­lintulad na lugar laluna sa pagsalubong sa Bagong Taon.

Ang sinumang lalabag sa nalagdaang batas ay maaa-ring magmulta ng P5,000 at maaaring makulong ng isang taon.

Ang naturang batas sa lungsod ay mahigpit na ipatu­tupad ng mga barangay officials sa tulong ng mga tauhan ng Public Order and Safety (DPOS) ng QC hall at  QC police.

Ang batas na ito ay magi­ging epektibo sa Nobyembre ng taong ito.