Truck attack: 5 patay
Ang 22-wheeler truck na umararo sa mga bystanders at mga sasakyan sa IBP Road sa QC. Makikita ang isang sasakyan na napipi ng ‘nagwalang’ trak.
MANILA, Philippines — Lima ang patay, habang 12 ang nasugatan makaraang suyurin ng isang 22-wheeler truck na may sakay na malalaking bakal ang mga bystander at ilang nakaparadang sasakyan, nang mawalan umano ng preno habang binabagtas ang palusong na bahagi ng IBP Road, sa Brgy. Batasan, Quezon City, kahapon ng hapon.
Inaalam pa ng mga awtoridad ang pagkakakilanlan ng mga biktima, na ang isa ay dead-on- the-spot, habang apat ang nasawi sa pagamutan.
Gayunman, isa sa mga biktima ay sinasa-bing miyembro ng Bureau of Fire Protection (BFP), matapos na makuhanan ng identification card na tumutukoy sa pangalang SFO2 Enrique Paegane.
Batay sa ulat ng Quezon City Police District (QCPD)-Traffic Sector, dakong alas-3:30 ng hapon nang maganap ang aksidente sa palusong na bahagi ng San Mateo IBP road sa naturang barangay.
Sinasabing nawalan ng kontrol ang naturang truck na may plakang PUW-454 makaraang hindi kumagat ang preno ng sasakyan dahil sa bigat na kargang malalaking bakal hanggang sa tuluyan itong tuma-gilid at bumagsak ang mga karga..
Inararo ng truck ang mga bystander at sasak-yan sa lugar na nagresulta ng pagkamatay sa mga biktima at malubhang pagkakasugat ng iba pa.
Kabilang sa mga sasakyang nadisgrasya nito ay tatlong pribadong sasakyan at isang pampasaherong jeepney na may plakang AEH 792.
Nasugatan rin ang mismong tsuper ng trak.Lumikha naman ng masikip na daloy ng trapiko sa mga motorista ang naganap na aksidente.
- Latest
