Laptop ni Atio, isinumite sa MPD
MANILA, Philippines — Nagtungo kahapon sa Manila Police Dsitrict-Homicide Section ang mag-asawang sina Horacio Jr. at Carmina Castillo para isumite ang personal laptop ng anak para sa posibleng karagdagang ebidensiya.
Dakong ala 1:30 ng hapon nang dumating ang mag-asawang Castillo sa MPD.
Layunin nila na mabuksan at mabusisi ang laptop ni Horacio III sa pagbabakasakali na makakuha pa ng karagdagang impormasyon at ebidensiya na makatutulong sa pagsulong ng kaso laban sa Aegis Juris Fraternity members and officers na nahaharap sa mga kasong kriminal kaugnay sa hazing at pagkamatay ng biktima.
Samantala, sinabi ng mag-asawa na ang iba pang gamit ng anak tulad ng cellphone, relos at eyeglasses, ay hindi pa umano naisosoli sa kanila na pinaniniwalaang nasa mga miyembro ng nasabing fraternity.
Sinabi naman ni MPD spokesman Supt. Erwin Margarejo, tagapagsalita ng MPD na ang mga nawawalang personal belongings ni Castillo ay basehan sa paghahain ng kasong robbery laban sa 16 na miyembro ng Aegis Juris na sangkot sa Castillo hazing.
- Latest
