Kelot lasog sa mixer

MANILA, Philippines — Lasog ang isang lalaking angkas ng motorsiklo matapos magulungan ng trak na may dalang concrete mixer sa Ermita, Manila.

Nakilala ang nasawi na si Arvie Fernandez, 30.? ?

Sa inisyal na ulat galing sa may Ayala Avenue pakanan sa San Marcelino St. ang motorsiklo nang masagi ng mixer. Napag-alaman na nahulog mula sa motorsiklo ang angkas na nagulungan ng trak.

Masuwerteng nakaligtas ang nagmamaneho ng motorsiklo na humabol sa driver ng mixer na nakilalang si Joey Fajardo.

Aminado si Fajardo na hindi niya napansin ang motorsiklo sa kanyang gilid kasabay pa ng pagsasabing posibleng sumingit ang mga ito.

Parehong walang suot na helmet ang rider at ang biktima.

Ayon sa asawa, galing sa inuman ang biktima at posibleng nakainom nang mang­yari ang insidente.