Leni kay Bato: Kung may political ambition ako may mascot at standee na dapat ako

MANILA, Philippines — Pinasaringan ni Bise Presidente Leni Robredo si Philippine National Police Director General Ronald Dela Rosa matapos siyang sabihan na iisantabi muna ang kaniyang umano’y political ambition at tulungan muna si Pangulong Rodrigo Duterte.

"Actually, actually the statement is funny. I joked that [Director General Dela Rosa] will know if I have political ambition if I already have a mascot and mall standee," pahayag ni Robredo ngayong Martes.

Sinabihan ni Dela Rosa si Robredo kahapon na darating din ang panahon niya at hayaang niyang matapos ni Duterte ang kaniyang termino.

BASAHIN: ‘Bato’ open to Senate post in 2019

"She will have her time. Pagkatapos nito (Duterte administration) kung gusto niyang maging presidente, suportahan natin siya basta patapusin muna itong buong administration ni President Duterte para naman matapos ang plano ni Presidente," mensahe ng PNP chief sa Bise Presidente.

Kilala kritiko ng kampanya laban sa ilegal na droga ng administrasyon Duterte ang chairman ng Liberal Party na si Robredo na dati nang itinangging may planong kunin ang pagkapangulo ni Duterte.

Samantala, nauna nang sinabi ni dela Rosa na bukas siya sa pagtakbo sa Senado sa 2019 dahil nakatakdang na rin siyang sa Enero 2018.

BASAHIN: Alvarez: Bato should resign to spare Duterte from embarrassment

Nabanggit ni Robredo ang tungkol sa mascot dahil mismong si dela Rosa ay mayroon nito. Bukod sa mascot ay mayroon din siyang puppet, comic book at mall standee.

Dati na ring binitikos ni House Speaker Pantaleon Alvarez si dela Rosa dahil sa mga inabot niyang kontrobersiya.

Nanawagan si Alvarez sa pagbibitiw ni dela Rosa na mas inaatupag pa umano ang pagkakaron ng showbiz career.