Drug operations sa QC: 13 huli
MANILA, Philippines — Huli sa mga tauhan ng Quezon City Police District (QCPD) ang 13 katao na kinabibilangan ng apat na babae at 9 na lalaki na sinasabing ‘tulak’ at gumagamit ng ilegal na droga sa isinasagawang sunud-sunod na buy bust operation sa Quezon City, kahapon ng madaling araw.
Kinilala ni QCPD Director, P/Chief Supt. Guillermo Eleazar ang mga nadakip na sina Annalie Makabenta, 31; Anna Marie Apostol, 48; Lilia Fernandez, 46; Anna Marie Escorial, 22; Armando Arrieta, 44; Joel Arrieta, 36; Jhan-Jhan Aballar, 24; Eusebio Espinosa, 44; Michael Salom,33; Eric Carlos, 42; Edwin Cruz, 49; Calos Calub, 44 at Raul Villar, 48.
Ang 13 ay naaresto sa magkakahiwalay na lugar sa Quezon City, sa isinagawang drug operations dakong ala-1:00 hanggang alas-4:00 ng madaling araw bunsod na rin ng reklamo ng mga residente na nakikipagtulungan sa pulisya.
Ayon kay Eleazar, hindi sila titigil hanggang hindi nauubos ang mga salot na tulak ng droga sa kanyang nasasakupan.
Aniya, araw-araw ay nagsasagawa ng drug bust operation ang kanyang mga tauhan at marami parin ang nadakip, dahil ayaw pang tumigil sa bawal na gawain ang mga drug pusher.
Nakumpiska sa mga nadakip ang tinatayang nasa 250,000 halaga ng droga at iba’t-ibang drug paraphernalia.
Inihahanda na ang pagsasampa ng kasong drug pushing laban sa kanila.
- Latest