Number coding hindi suspendido
MANILA, Philippines — Hindi suspendido ang number coding ngayong araw na ito ng Huwebes, Setyembre 21 sa kabila na idineklara ito ni Pangulong Rodrigo Duterte na ‘National Day of Protest’.
Ayon sa Metro Manila Development Authority (MMDA) ang mga sasakyang ang plaka ay nagtatapos sa 7 at 8 ay hindi papayagang bumiyahe sa mga lansangan.
Ang araw na ito ay idineklara ni Pangulong Duterte na National Day of Protest para bigyan daan ang mga grupong nais mag-rally kaugnay sa ika-45 anibersaryo ng Batas Militar.
Dahil dito, ang mga pasok sa paaralan at ilang tanggapan sa pamahalaan ay walang pasok.
Kaugnay nito, kasado naman ang pagpapatupad ng mahigpit na seguridad ng pulisya sa Metro Manila para bantayan at pigilan ang anumang maaaring kaguluhang posibleng ihasik ng ilang masasamang elemento.
- Latest