Drug bust: 2 kelot todas
MANILA, Philippines — Dalawang lalaki na hinihinalang ‘tulak’ ng droga ang nasawi matapos na manlaban sa pulisya sa isinagawang buy-bust operation sa Quiapo Maynila.
Dead-on-arrival sa Justice Jose Abad Santos General Hospital ang suspek na si Charlie Ivo Pentecostes, alyas Fredo 43, ng F. Torres cor. Recto Sta. Cruz at Roberto Ribot Albao, 39, ng San Isidro Montalban, Rizal na nagtamo ng mga tama ng bala sa katawan.
Ayon sa isinagawang imbestigasyon ni PO3 Roderick Magpale ng Manila Police District Homicide Section dakong alas-6:15 ng gabi ng maganap ang insidente sa Basan Oscares Quiapo Maynila.
Nabatid na nagpanggap na bibili umano ng droga si PO1 Jason Odita ng MPD Barbosa ng halagang 200 pesos ng makahalata ang mga suspek na pulis ang kanyang ka-transaksyon at dito na bumunot ng baril ang dalawa at nakipagpalitan ng putok sa pulisya na naging dahilan ng kanilang kamatayan.
Narekober sa dalawa ang 2 kalibre .38, apat na pirasong plastik na naglalaman ng shabu at dalawang pirasong one hundred pesos.
- Latest