Mahigit 1,400 Metro cops, nakasuhan-NCRPO
Dawit sa ibat-ibang krimen
MANILA, Philippines - Kinumpirma ng Natio-nal Capital Regional Police Office (NCRPO) na mahigit 1,400 Metro Manila cops, na sangkot sa iba’t ibang krimen tulad ng kidnapping at extortion, ang nasampahan na nila ng kaso simula lamang nang manungkulan ang administrasyong Duterte noong Hulyo 2016.
Ayon kay NCRPO chief Director Oscar Albayalde, ang pagsasampa ng kaso sa mga naturang pulis ay bahagi ng kanilang pagsusumikap na malinis ang kanilang hanay laban sa mga tiwaling pulis.
Kasabay nito, tiniyak ni Albayalde na hindi sila titigil hanggang sa tuluyan nang malinis ang kanilang hanay mula sa mga ‘bugok na itlog’ at tuluyang maibalik ang tiwala ng mga mamamayan sa PNP.
Muli rin namang tiniyak ni Albayalde na walang dapat na ikabahala at ikatakot ang mga mamamayan dahil hindi kailanman kukunsintihin at itu-tolerate ng liderato ng Philippine National Police (PNP) ang anumang uri ng karaharan at pang-aabuso ng kanilang mga miyembro.
- Latest
