Biyahe ng LRT-2 natigil ng 1 oras
MANILA, Philippines - Natigil ng mahigit isang oras ang biyahe ng Light Trail Transit Line 2 (LRT-2) kahapon ng umaga dahil sa power failure.
Dakong alas-9:40 ng umaga nang ianunsyo ng pamunuan ng Light Rail Transit Authority (LRTA) ang pagtigil ng kanilang operasyon sa kabuuang ng kanilang linya.
Ayon kay LRTA spokesperson Atty. Hernando Cabrera, nagkaroon ng power interruption ang LRT depot sa Santolan Station dakong alas-9:20 ng umaga.
Naibalik ang suplay ng kuryente dakong alas-10:00 ng umaga at pagsapit ng alas-10:33 ng umaga ay tuluyan nang naibalik sa normal ang biyahe ng mga tren ng LRT-2.
Ang LRT-2 ay bumibiyahe sa kahabaan ng Claro M. Recto Avenue sa Maynila at Santolan sa Pasig City at vice versa.
- Latest