4 na naman bulagta sa Caloocan
MANILA, Philippines - Apat na lalaki na sangkot umano sa iligal na droga at holdap ang magkakasunod na napatay sa Caloocan City kamakalawa ng gabi.
Kinilala ang mga nasawi na sina Arturo Padua, Jr.; Arnold Platilla, 43; Rience Marrion Auintia, 24, at Jeremiah Servania.
Sa ulat na isinumite kay Senior Supt. Chito Bersaluna, hepe ng Caloocan City Police, dakong alas -10:45 ng gabi nitong Linggo nang rumesponde ang mga tauhan ng Police Community Precinct (PCP) 3 sa Phase 9, Brgy. 176 nang itawag sa kanila ang nagaganap umanong lantarang pagbebenta ng shabu ni Padua.
Papalapit pa lang ang operatiba nang salubungin ng mga putok ng grupo ni Padua na nauwi sa engkuwentro. Tinamaan si Padua habang ang mga kasamahan niya ay nakatakas.
Narekober kay Pa-dua ang dalawang pakete ng shabu at paltik na baril.
Hindi pa man tapos ang pagsasagawa ng imbestigasyon sa crime scene at nasa lugar pa ang grupo ng PCP 3 na pinangunahan ni Chief Insp. Ronald Cayago, may nagturo sa kanila na ang dalawang lalaki na nagtatago umano sa Phase 9, Package 3, Block 4, Lot 7, Bagong Silang, na sinasabing kapwa sangkot sa serye ng holdapan.
Agad na sinalakay ang lugar subalit sinalubong din sila ng mga pu-tok ni Platilla na nauwi sa engkuwentro kung saan nasawi ang dalawang suspect. Narekober mula sa dalawa ang isang sumpak, kalibre 22 na baril at 2 plastic sachet ng shabu.
Samantala, patay din ang isang 20-anyos na si Sevania na kabilang sa drug watch list nang pasukin sa bahay habang nanonood ng video game at pagbabarilin ng dalawang lalaki na kapwa nakatakip ang mukha sa loob ng kanyang bahay sa Caloocan City, kamakalawa ng gabi.
Dead-on-the-spot si Servania, residente ng Purok La Loma, Mor-ning Star Subdivision, Brgy. 178, Camarin, Caloocan.
Sa imbestigasyon, pwersahang pinasok ng dalawang lalaking nakasuot ng mga bonnet at face masks ang bahay ng biktima at inabutan nila si Servania na nanonood ng video game at walang sabi-sabing pinaulanan ng putok sa katawan bago mabilis na tumakas.
- Latest