Chinese huli sa tangkang pagpupuslit ng P1.5M smartphones
MANILA, Philippines - Hindi nakalusot sa mga tauhan ng Bureau of Customs (BOC) sa Ninoy Aquino International Airport (NAIA) terminal 1 ang tangkang pagpuslit ng may P1.5 milyon halaga ng 30 pirasong iPhone 7 ng isang Chinese national matapos harangin sa Customs arrival area, ilang minuto matapos itong dumating galing China.
Kinilala ni BOC-NAIA District III Collector Ed Macabeo ang Chinese passenger na si Su Miaoquiao, na tubong Xiamen,China.
Ayon kay Macabeo, nabigo ang pasahero na ideklarang ‘taxable items’ ang kanyang dalang mga high tech cellphones.
Nabuko ang mga dala nitong gadgets nang dumaan ang mga epektos sa x-ray machines kaya nilagyan ito ng markings para ma-subject sa 100% examinations.
Dito nadiskubre ang 30 unit ng iPhone 7 na nakabalot sa plastic bags.
“The importation of smartphone is considered legal if the importer declared it as taxable items and can present the proper national Telecommunications Commission (NTC) import permit to the Customs authorities,” sabi ni Maj. Jaybee Raul Cometa ng X-ray Inspection Project.
Samantala, si Miaoquiao ay sinampahan ng paglabag sa Customs Modernization and Tariff Act at paglabag sa NTC regulations code.
- Latest