2 preso tigok sa ‘heat stroke’
MANILA, Philippines - Heat stroke ang sina-sabing dahilan ng pagkamatay ng dalawang preso at pagkakalagay sa kritikal na kondisyon ng isa pa kahapon ng madaling araw sa loob ng Manila Police District-Police Station 9 detention cell sa Malate, Maynila.
Batay sa imbestigasyon ni SPO2 John Charles Duran, ng Manila Police District-Homicide Section, dakong alas 2:20 ng madaling araw nang mag-collapsed dahil sa matinding init ang mga presong sina Michael Justiniave, alyas Bakla, 44, ng Blk. 16 Lot 14 Bagong Silang Phase 9, Quezon City; Rolly Olarte, 37, taxi driver, naninirahan sa No. 507 Fa-cundo St. Pasay City; Ireneo Concordia,42, sidecar boy, residente ng 1720 Muñoz Tramo, Pasay City at Rolando Maniquis.
Idineklarang dead-on- arrival ni Dr. Joseph Bathan sina Justiniave at Olarte, habang inoobserbahan pa at nasa kritikal na kondisyon si Maniquis habang ligtas na ang kalagayan ni Concordia.
Hindi nakayanan ng mga biktima ang init sa loob ng kulungan sa nasabing police station.
Lumilitaw na ang natu-rang selda ay idinisenyo lamang para sa kapasidad ng 50-70 detainees pero dahil sa matinding kampanya laban sa kriminalidad ng pulisya umabot sa 114 detainee ang kasalukuyang nakakulong sa naturang detention cell.
Dinala ang mga bangkay sa Archangel Funeral para sa awtopsiya at safekeeping.
- Latest