Obrero hulog mula sa rooftop ng iskul, lasog

MANILA, Philippines -  Lasog ang katawan at bagok ang ulo ng isang obrero nang mahulog ito mula sa rooftop ng limang gusa­ling palapag ng Jose Abad Santos High School sa Binondo, Maynila kamakalawa ng hapon.

Namatay noon din ang biktimang si Manuel Gabriel, alyas Manny, stay-in cos­truc­tion worker sa JASHS.  

Sa report ni Det. Jeffrey Laus ng Manila Police District-homicide section, dakong alas-4:45 ng hapon nang naganap ang insidente sa rooftop ng Gymnasium Building ng nabanggit na paaralan.

Nauna rito, inilipat ng bik­tima ang yero sa rooftop ng Gymnasium building nang aksidente itong madulas at nawalan ng balance at dire-diretsong bumulusok sa sementadong canopy sa unang palapag ng gusali na naging dahilan ng kanyang kamatayan.