PhilSTAR kabilang sa top10 business taxpayers sa Maynila

MANILA, Philippines - Nagpahayag ng kagalakan si Manila Mayor Joseph Estrada sa pagiging consistent ng 10 negosyo sa lungsod at pananatili sa Top 10 Business Taxpayer sa taong 2016.

Ayon kay Estrada, malaking tulong ang buwis na ibinaba-yad ng mga negosyo sa lungsod lalo na ang mga nangu-nguna dahil indikasyon na pagtalima sa ordinansa ng lungsod.

Nasa ikawalong puwesto ang PhilStar Daily, Inc. na pinamumunuan ni Mr. Miguel Belmonte. Taun-taon tumatanggap ng parangal tulad nito ang PhilStar Daily, Inc.

Paliwanag ni Estrada ang buwis na ibinabayad ng top 10 at iba pang negosyo at establisimento ang ginagamit upang maisakatuparan ang lahat ng  proyekto ng lungsod, gayundin ang benepisyo ng mga empleyado.

Umaasa si Estrada na magpapatuloy ang magandang pagnenegosyo ng mga negosyante sa lungsod.

Bukod sa PhilStar Daily, Inc. nasa top 10 din ang Manila Electric Company; International Containers Terminal Services, Inc.; SM Prime Holdings, Inc.; Mercury Drug Corp.; Unilever Philippines, Inc.; Asian Terminals, Inc.; Maynilad Water Services, Inc.; Puregold Price Club, Inc. at Golden Arches Development Corporation (MC Donald’s).

Samantala, paparangalan din bilang Top 10 Real Property Taxpayers ang Megaworld Corporation; Asian Terminals, Inc.; Unilever Philippines, Inc.; Manila North Harbour Port, Inc.; SM Prime Holdings, Inc.; Bangko Sentral ng Pilipinas; Home Guaranty Corp.; Bataan Ship Yard and Engineering Co. Inc.; Manila Electric Company at Robinsons Land Corp.