Retired Marine, todas sa ambush
MANILA, Philippines - Hindi na naisalba ng mga doktor sa Medical Center Manila, ang isang retiradong opisyal ng Philippine Marines (PM) matapos tambangan ng dalawang rider habang ang una ay sakay ng kanyang Sports Utility Vehicle (SUV), kahapon ng hapon sa Bonifacio Drive, Intramuros, Maynila.
Sa inisyal na ulat mula sa Manila Police DistrictPolice Station 5, ang biktimang si Jujie Lim Umandac, 60, dating Ret. Master Sgt. ng Philippine Marines, ng Baseco Compound, Port Area, Maynila ay nasawi dahil sa apat na tama ng bala sa kaliwang bahagi ng katawan at sa kanang dibdib.
Naganap ang insidente dakong alas-2:45 ng hapon habang sakay ang biktima ng kanyang Mitsubishi Pajero, nang sabayan ng dalawang suspek na kapwa nakasakay ng motorsiklo at saka pinagbabaril na ang una.
Ilang supporters ng biktima ang nakita sa lugar at nagpahayag na nakatakda umano itong tumakbo bilang Brgy. chairman sa nabanggit na lugar sa darating na barangay election.
Ang biktima ay may anak na pulis-Maynila na nakatalaga sa MPD-PS 11 at ang isa naman ay nasa Philippine Military Academy (PMA).
Patuloy na iniimbesti-gahan ang insidente at ang posibleng motibo sa krimen maging ang mga sangkot dito.
- Latest