Inspeksyon sa mga pampasaherong sasakyan sa Mindanao, inutos ng LTFRB
MANILA, Philippines - Pinakilos ng pamunuan ng Land Transportation Franchising and Regulatory Board (PTFRB) ang lahat ng regional directors sa Mindanao na inspeksiyunan ang lahat ng mga pampasaherong sasakyan at ang mga dokumento ng mga for-hire – vehicles sa rehiyon.
Ito ayon kay Atty. Aileen Lizada, spokesperson ng LTFRB ay upang matiyak na ligtas at hindi magagamit ang naturang mga sasakyan ng mga teroristang grupo sa Mindanao para sa kanilang operasyon.
Ani Lizada, dapat din anyang tanungin ng mga tauhan ang mga driver kung saan pupunta at kung saan galing.
Anya, lockdown na ang buong Lanao del Sur at limitado ang biyahe ng lahat ng mga sasakyan sa rehiyon base na rin sa utos ng security forces sa Mindanao kaya’t kinakailangan ang pag-iingat ng bawat isa.
Inutos din ng Central office ng LTFRB sa kanilang regional officials sa Min-danao na palagiang maki-pag-coordinate sa kanila para on-time ay makagawa ng kaukulang aksyon kung kinakailangan.
- Latest