2 pang ret. general, naupo sa MMDA
MANILA, Philippines - Dalawa pang retiradong heneral ang umupong opisyal sa Metro Manila Development Authority.
Bukod kay retired Gen. Danilo Lim, na bagong talagang chairman ng MMDA, dalawa ding dating heneral ang itinalaga nito na nakilalang si Roberto Almadin bilang OIC assistant general manager for MMDA operations at retired general Joe Campo bilang OIC naman ng office of the assistant general manager for planning.
Pinangalanan din ni Lim ang mga bagong opisyal na sina Jose Arturo Danilo Jr., bilang OIC for planning and concurrent chief of the staff; Atty. Romano Artes OIC for finance and administration; Atty. Vic Pablo Trinidad, OIC for legal affairs, at Atty. Michael Salalima bilang depu-ty chief of staff.
“Ang mga taong ito ay may mga rekord na magaganda. Hindi matatawaran ang kanilang serbisyo pound-for-pound they can compete with all the others at saka kilala ko itong mga ito,” ito ang ipinahayag ni Lim nang dumalo ito kahapon sa flag ceremony ng mga kawani ng MMDA.
Nabatid na ang nabang-git na mga retired generals ay malaki ang maitutulong sa ahensya.
Ipinahayag pa nito na magiging “back to basic” ang ipatutupad sa MMDA.
Ibig sabihin uunahin munang ipatupad ang mahigpit na disiplina sa bawat isa at uumpisahan ito sa kanilang mga kawani.
- Latest