P5-B shabu nasabat ng BoC sa Valenzuela
MANILA, Philippines - Umiskor ang Bureau of Customs matapos na masabat ang mahigit P5 bilyong halaga ng shabu sa isang operasyon sa Valenzuela City, kahapon.
Ayon kay Customs Commissioner Nicanor Faeldon, mahigit 500 kilo ng shabu na tinatayang nasa P5 bilyong halaga ang laman ng isang cylinder na nababalutan ng makapal na itim na goma.
Sinabi ni Faeldon na nagmula mismo sa Bureau of Customs ng China ang tinanggap nilang impormasyon kaugnay sa nasabing shipment na idineklarang roller ball na ginagamit sa mga prin-ting shops.
Nadiskubre ang kilu-kilong droga matapos na suriin ng mga ahente ng Customs ang limang kapsulang bakal kung saan nakasiksik ang nakaplastic na mga droga.
Naging positibo sa pagsusuri na shabu ang droga na nagmula sa China at sinasabing isa ito sa mga pinakamalaking huli na ng mga awtoridad sa drug war ni Pangulong Rodrigo Duterte.
- Latest
